Book contents
- Frontmatter
- Contents
- Abbreviations
- The convocations
- The York Provinciale (c. 1518)
- Appendix 1 Orders to be observed of every bishop in his diocese within the province of York
- Appendix 2 Orders to be observed in the government of the church
- Index of sources
- Index of references
- Index of names and places
- Index of subjects
Henry VIII (1509-47)
Published online by Cambridge University Press: 05 March 2024
- Frontmatter
- Contents
- Abbreviations
- The convocations
- The York Provinciale (c. 1518)
- Appendix 1 Orders to be observed of every bishop in his diocese within the province of York
- Appendix 2 Orders to be observed in the government of the church
- Index of sources
- Index of references
- Index of names and places
- Index of subjects
Summary
The archbishop Js mandate and the royal writ
[77 v] Iohannes Withers artiummagister, canonicus in ecclesiis cathedralibus Sancti Pauli Londoniensis et Sarum ac reverendissimi in Christo patris et domini Domini Christopheri, miseratione divina tituli Sanctae Praxedis sacrosanctae Romanae ecclesiae presbyteri cardinalis Eboracensis archiepiscopi, Angliae primatis et apostolicae sedis legati in remotis agentis vicarius in spiritualibus generalis ac custos spiritualitatis archiepiscopatus Eboracensis, reverendo in Christo patri et domino Domino Thomae, Deo gratia Dunelmensi episcopo, dicti reverendissimi patris suffraganeo aut eius vicario in spiritualibus generali salutem in Domino sempiternam. Breve regium nobis directum cum ea qua decuit reverentia nuper recepimus in haec verba:
Henricus, Dei gratia rex Angliae et Franciae et dominus Hiberniae, custodi spiritualitatis archiepiscopatus Eboracensis, ipso archiepiscopo in remotis agente, salutem. Quibusdam arduis et urgentibus negotiis nos, securitatem et defensionem Ecclesiae Anglicanae ac pacem, tranquillitatem, bonum publicum et defensionem regni nostri et subditorum nostrorum eiusdem concernentibus, vobis in fide et dilectione quibus nobis tenemini rogando mandamus quatenus, praemissis debito intuitu attentis et ponderatis, universos et singulos episcopos vestrae provinciae ac decanos et priores ecclesiarum cathedralium, abbates, priores et alios electivos, exemptos et non exemptos, necnon archidiaconos, capitula, conventus et collegia totumque clerum cuiuslibet dioecesis eiusdem provinciae ad comparendum coram vobis in ecclesia cathedrali Beati Petri Eboracensis vel alibi prout melius expedire [78r] videritis, cum omni celeritate accommoda more debito convocari faciatis, ad tractandum, consentiendum et concludendum super praemissis et aliis quae sibi clarius exponentur tune ibidem ex parte nostra; et hoc, sicut nos et statum regni nostri ac honorem et utilitatem ecclesiae praedictae diligitis, nullatenus omittatis. Teste meipso, apud Westmonasterium, vicesimo octavo die mensis Novembris anno regni nostri tertio [28 November 1511].
Quocirca, reverende pater, auctoritate dicti reverendissimi patris nobis in hac parte specialiter commissa, tenore praesentium peremptorie vos citamus ac priorem ecclesiae vestrae cathedralis Dunelmensis et capitulum eiusdem universosque et singulos abbates, priores, alios etiam electivos, exemptos et non exemptos, archidiaconos, decanos et capitula, conventus et collegia, totumque clerum vestrarum civitatis et dioecesis per vos citari auctoritate praedicta mandamus quod vos, reverende pater, dictique abbates et priores, archidiaconi et decani personaliter, conventus vero, capitula et collegia huiusmodi per procuratores suos singulos, clerusque cuiuslibet archidiaconatus et iurisdictionis per duos sufficientes procuratores ab ipsis conventibus, capitulis, collegiis et clero sufficienter et legitime deputatos in ecclesia metropolitica Eboracensi die Lunae,
- Type
- Chapter
- Information
- Records of Convocation XIVYork, 1461-1625, pp. 153 - 260Publisher: Boydell & BrewerFirst published in: 2024