1. ASF, Ripudie d'eredità 13, fol. 14v

2. 31 July 1436

3. Registration of Repudiation by Loisio, Teghiaio, Francesco, and Uguccione Pazzi

In dei nomine, amen. Anno incarnationis domini nostri Yhesu Christi millesimo quadringentesimo trigesimo sexto, indictione quartadecima, die trigesimo primo mensis Julii in consilio populi civitatis Florentie in palatio populi florentini in quo domini priores artium et vexillifer iustitie moram trahunt in sufficienti numero more solito congregato, et astantibus sex et ultra de officio dictorum dominorum priorum et vexillifere in dicto consilio personaliter constitutus Antonius Petri publicus approbator et preco communis Florentie publice palam alta et intelligibili voce, vice et nomine Loisii, Theghiaii, et Francisci et Uguccionis, fratrum filiorum olim Ghinozii Loisii de Pazis populi Sancti Petri Maioris de Florentia notificavit qualiter predicti quatuor omnes repudiaverunt hereditatem dicti olim Ghinozii patris eorum cuilibet eorum pro quarta parte ab intestato delatam et ab ea se penitus abstinuerunt per instrumentum inde confectum per ser Loisium ser Michaelis Guidonis notarium florentinum sub die sextodecimo presentis mensis Julii.

Qui Antonius preco predictus incontinenti de pecunia predictorum misit in capsa existentia in sala magna dicti palatii, in qua consiliarii dicti consilii conadunantur secundum ordinamenta fl. quatuor auri.

Acta fuerunt predicta Florentie in palatio suprascripto, presentibus Jacobo ser Francisci, Francisco Silvestri et Bartholomeo Laurentii approbatoribus communis Florentie testibus ad hec vocatis et habitis.