1. Notarile antecosimiano 16318, fol. 34r-v

2. 8 April 1533

3. Repudiation by Filippo di Bruno

Item postea dictis anno, indictione et die octava mensis Aprilis. Actum Florentie et in populo Sancte Marie in Campo, presentibus testibus, videlicet Pierantonio Francisci Blasii de Diaceto et Dominico Luce de Casi, laboratoribus terrarum et ambobus de potestaria Diaceti vallis Senis comitatus Florentie.

Pateat omnibus etc. qualiter Filippus olim Bruni Michaelis Bruni, laborator terrarum populi Sancti Martini a Pagliariccio de Mugello lige Aretri comitatus Florentie, constitutus personaliter coram me notario etc., sciens qualiter dictus Brunus eius condam pater mortuus est et decessit iam sunt anni octo proxime elapsi vel circa ab intestato, relictis post se et eius mortem dicto Filippo et Michaele eius filiis masculis legitimis et naturalibus et nullis aliis relictis habentibus eos excludere ab eius hereditate vel cum eis concurrere, et sciens qualiter dictus Michael eius frater hereditatem dicti olim Bruni repudiavit et ab ea se abstinuit, et sciens qualiter hereditas dicti olim Bruni sibi delata ab intestato et potius eam esse inutilem et dannosam idcirco in predictis et omni meliori modo etc. dictam hereditatem sibi ut supra delatam et pro omni rata et portione que sibi quomodolibet eo defertur repudiavit et ab ea se abstinuit, nolens commoda et incommoda dicte hereditatis et ita expresse dixit et declaravit, rogans etc.