1. Notarile antecosimiano 668, fol. 114r-v

2. 23 November 1400

3. Aditio by Bernardo and Donato di Ugolino Bonsi

Item eisdem anno, indictione, die vigesimo tertio mensis Novembris. Attum Florentie in populo Sancti Pancratii, presentibus testibus ad hec vocatis et rogatis Bellozo Laurentii Bartoli, spetiario dicti populi, et Remisio Baldesis populi Sancte Trinitatis de Florentia et aliis.

Bernardus et Donatus, fratres et filii olim Ugolini Bonsi, spetiarii populi Sancti Fridiani de Florentia, scientes et cognoscentes hereditatem Pieri condam eorum fratris et filii olim dicti Ugolini spetiarii eis, videlicet uterque ipsorum pro una dimidia ex testamento per ipsum Pierum condito publice scripto manu ser Antonii olim Pieri Chelli de Florentia notarii publici, vigore substitutionis de eis facte in testamento predicto, delatam esse et eis pro dictis partibus fore et esse potius lucrosam quam dampnosam, ideo ipsam hereditatem omni via iure modo quibus magis et melius potuerunt, dubitative tamen et cum benefitio inventarii et spe et animo conficiendi inventarium, secundum formam iuris et ut consequantur et habeant benefitium legis et inventarii, quod datur adeuntibus hereditatem cum benefitio inventarii, adiverunt, adprehendiderunt et in ea se inmiscuerunt, rogantes me Agnolum notarium infrascriptum ut de predictis publicum conficere instrumentum.