1. Notarile antecosimiano 9038, fols. 26v-27r

2. 7 July 1412

3. Clarification of Intention in Repudiation by Corso and Sandro di Zanobi Ricci

Item postea dictis anno et indictione et die. Actum Florentie in populo Sancti Petri Maioris de Florentia, presentibus testibus ad hec vocatis, habitis, et rogatis [27r] domino Roggerio comite de Antiglana de Perusio et legum doctore et dicti populi Sancti Petri, et domino Nicholao filio dicti domini Roggerii, et ser Johanne Andree dal Campo, notario et cive pisano et aliis.

Certum esse dicitur quod de anno domini ab eius incarnatione millesimo trecentesimo nonagesimo secundo, indictione prima, secundum consuetudinem florentinam et die decimanona Februarii, Corsus olim Zenobii de Riccis de Florentia, tunc populi Sancte Margherite de Florentia, sciens hereditatem dicti Zenobii patris sui sibi ab intestato pro tertia parte delatam esse ipsam hereditatem pro dicta tertia parte ab intestato adivit et apprendidit et in ea se inmiscuit, prout hec et alia in publico instrumento dicte aditionis inde rogato et scripto manu ser Pieri Roggerii notarii florentini plenius et latius continetur. Et certum esse dicitur etiam quod Sander filius olim dicti Zenobii de Riccis et frater dicti Cursi, etiam sciens hereditatem dicti olim Zenobii sibi Sandro ab intestato pro tertia parte delatam, ipsam hereditatem dicti Zenobii eius patris pro dicta tertia parte ab intestato adivit et in ea se inmiscuit, de quibus et aliis latius constare dicitur publicum instrumentum per ser Bernabam Antonii Durelli olim notarii florentini.