1. Notarile antecosimiano 14713, fol. 24r

2. 6 August 1464

3. Protestatio by Giovanni di Filippo Baronci

Item postea eisdem anno, inditione et die sexto mensis Augusti. Actum Florentie in populo Sancti Stefani Abbatie, presentibus ser Jacobo ser Mactei ser Dominici et ser Paulo Amerigi Bartoli Grassi, civibus et notariis florentinis, et Dominico Leonardi vocato Paleo populi Sancti Ambroxii de Florentia et aliis etc.

Johannes olim Filippi Bartolomei Baronci, filatotarius populi Sancti Laurentii de Florentia, constitutus in presentia et coram testibus suprascriptis et me notario infrascripto, dixit et exposuit et asseruit qualiter domina Lisa, uxor olim dicti Bartholomei, eius avia paterna, habuit et recepit in solutum et pagamentum de anno domini 1425 et die iii mensis Decembris ab egregio legum doctore domino Francisco de Salvestrinis de Nirsia, collaterali iudice quartierum Sancte Marie Novelle et Sancti Johannis curie potestatis civitatis Florentie, unum podere et bona pro extimatione florenorum auri ducentorum septuaginta pro creditis et expensis occaxione fl. auri x et libras xxviii et soldi xiii, prout constare dicitur et constare vidi per sententiam in publicam formam redactam. Quod podere et bona posita sunt etc. in populo Sancte Marie de Sancto Matero, olim comitatus Pistorii et tunc et nunc Florentie, et sic describitur et confinatur videlicet, unum podere cum domo pro domino et laboratore et cum terris laboratis, arboratis, et viniatis et cum omnibus petiis terre et bonis solitis laborari et seu teneri cum dicto podere, posito in dicto populo et loco, cui et quibus omnibus a primo via, a ii flumen vocatum la Pulicata, a iii domine Cilie … a iiii Angeli … calzolarii de Pistorio, a v Cambini alterius Cambini de Sancto Matho predicto.