Prologue (1–74)

En Bretaigne furent jadis Plusurs rois mult poësteïs,

Ki devant nus dunc i esteient,

De qui les granz honurs teneient; 4

Bretaigne esteit dunc apelee Qu’ore est Engleterre clamee; Julius Cesar la conquist,

De conquere mult s’entremist. 8

Julius de Rome ert emperere, Suvent avint ove gent fiere En Engleterre pur conquerre

Car il desiroit mult la terre; 12

Od grant esforz i vint suvent E suvent perdi de sa gent, Dunt il ot le quor mult iré.

Puis la conquist par poësté 16

Par Androgeu, un duc de Kent, Com le Bruit conte apertement: Come le Romein la conquistrent,

Combien de tens le treü pristrent, 20

Com il ierunt suvent vencu, Com perdirent puis le treü; Qui l’estoire savoir voldra

Lise le Brut, illoc l’orra. 24

D’une estoire voldrai parler Ki mult fet bien a escuter, De verité est tute feite

Kar des rois engleis est estreite, 28

Com il la terre dunc tenoient, Cum entreuls parti l’avoient,

En quel maniere puis la tindrent

E les aventures q’avindrent. 32

Ceste estoire est mult amee

E des Englés mult recordee,

Des princes, des ducs e des reis;

Mult iert amee des Engleis, 36

Des petites genz e des granz, Desqu’a la prise des Normanz. Quant Li Norman la terre pristrent

Les granz estoires puis remistrent 40

Qui des Engleis estoient fetes,

Qui des aucuns ierent treites, Pur la gent qui dunc diverserunt

E les languages si changerunt. 44

Puis i ad asez translatees,

Qui mult sunt de plusurs amees, Com est le Bruit, com est Tristram,

Qui tant suffri poine e hahan, 48

Com est Aelof, li bons rois,

Qui tant en fist des granz desrois; Ces en sunt, e altres asez

Que vus asez oïr purrez, 52

Ces gestes, qu’erent en engleis, Translatees sunt en franceis. Les anciens ça en ariere

Mult par orent bone manere; 56

Les aventures que lur avindrent Entreuls tutes bien les retindrent E en memorie les metoient,

Que cil qui en aprés venoient 60

Suventes foiz les recorderent, Plusurs suvent en amenderent.