(The following documents (Apps. I–IV) have been most conservatively transcribed with every effort to preserve the original spelling, punctuation and format. Only in one respect has there been editorial intrusion: for the sake of intelligibility all contractions and abbreviations, often numerous and sometimes obscure, have been silently expanded.)

Ung chancelier de bourgoingne a tousiours este fort exstime et auctorise | tellement quil a este tenu pour la seconde personne de la maison

Et comme tel a tenu et garde les seaulx du prince desquelz il a use a la despeshe et sigillature des lettres qui ont este ordonnees et commandees tant pour les affaires du prince et de ses pays | comme des parties qui en ont eu a besoigne

Ledit chancelier a este | et est chief de la justice | preside en tous consaulx tant secretz et privez que aultres | et en iceulx propose et mis en deliberacion toutes matieres qui ont este tractees es lesdits consaulx tant en la presence du prince comme en son absance | demande et recully les oppinions des assistens tant de courte que de longue robe | et icelles oyes et resumes a dit la sienne au prince quant il a este presente pour y conclure | et en son absance luy mesmes a fait et pronunce les conclusions | ordonne et commande aux secretaires les expedicions et despesches tant de lettres closes et patentes memoires instrucions que aultres provisions selon lesdites conclusions |