Folios 86r–92r contain deeds relating to Bread Street (and see also above, ff. 60–62). The red-ink heading at the top of f. 86r reads “Ista tenementa dedit nobis Johannes Walpole, aurifaber / Bredstrete”, and thereafter at the top of each verso is the red-ink heading “Brede” and at the top of every recto “strete”.

Carta Johannis Walpole per Willelmum Faukes [23 April 1341 and enrolled 11 June 1341]

Sciant presentes & futuri quod ego Willelmus Faukes, filius Henrici Faukes quondam civis London’, dedi, concessi & hac presenti carta mea confirmavi Johanni de Walpole, civi & aurifabro London’, totum illud tenementum cum domibus superedificatis & omnibus aliis suis pertinenciis quod michi hereditarie accidebat post decessum dicti Henrici patris mei, in vico & parochia Omnium Sanctorum de Bredstrete London’. Et quod quidem tenementum situm est in latitudine inter tenementum quod quondam fuit Johannis de Beverlee ex parte aquilonari et tenementum Johannis Sprot ex parte australi, et extendit se in longitudine a vico regio de Bredestrete versus orientem usque ad tenementum quondam Willelmi de Segrave & Roberti de Gloucestre ac tenementum Johannis de Makenheued versus occidentem, scilicet quicquid ibidem habui ut in terris, domibus, edificiis, lignis, lapidibus, longitudine, latitudine, altitudine, profunditate ac rebus cunctis, sine aliqua diminucione vel ullo retenemento. Concessi eciam quod ille due marce argenti annui liberi & quieti redditus quas Falcasius de Wakefeud, quondam civis & vinetarius London’, Olive filie sue sorori predicti Henrici patris mei in testamento suo, probato proclamato & irrotulato in pleno hustengo London’ die lune proxima post festum Sancte Katerine virginis anno regni regis Edwardi filii Regis Henrici quartodecimo [26 November 1285], legavit de tenemento *supradicto annuatim sibi & heredibus de corpore suo legitime procreatis percipiend’, et que post decessum ejusdem Olive si sine herede de se legitime exeunte in fata decedat, ad me vel ad heredes meos virtute & auctoritate testamenti predicti reverti deberent,* prefato Johanni de Walepole heredibus & assignatis suis libere, quiete, integre, bene & in pace imperpetuum, de capitalibus dominis illius feodi per servicia inde debita et de jure consueta. Et ego predictus Willelmus Faukes, filius Henrici Faukes, & heredes mei totum predictum tenementum cum domibus superedificatis & omnibus aliis suis pertinenciis simul cum reversione dictarum duarum marcarum argenti annui liberi & quieti redditus ut supradictum est cum per mortem dicte Olive acciderit prefato Johanni de Walepole, heredibus & assignatis suis, contra omnes gentes warantizabimus & defendemus imperpetuum.