Folios 25r–28r contain documents concerning property in Newgate. The red-ink heading on f. 25r is “Newgate perquisita”; that on the following versos is “New” and on the following rectos “gate”.

Carta Roberti Bendyn per Willelmum de Bodele [2 September 1325]

Universis presentes litteras visuris vel audituris, Willelmus de Bodele, civis & vinetarius London’, salutem in domino. Cum terre & tenementa que fuerunt Radulphi Sporon in London’, videlicet in parochia Sancti Sepulcri apud Neugate London’, per extentam michi liberata fuerunt virtute cujusdam littere novi statuti pro mercatoribus editi, tenend’ ut liberum tenementum meum quousque inde perceperivi & levaverivi viginti marcas sterlingorum in quibus idem Radulphus michi tenebatur per dictam litteram novi statuti supradicti una cum dampnis misis & expensis juxta formam dicti statuti: Noveritis me predictum Willelmum concessisse & dimisisse domino Roberto Bendyn, militi, omnes dictas terras & tenementa supradictas cum suis pertinenciis, habend’ & tenend’ eidem domino Roberto heredibus & assignatis suis bene & in pace quousque inde levaverint & perciperint dictam summam pecunie una cum dampnis & expensis secundum formam extente supradicte. Ita videlicet quod ego dictus Willelmus heredes aut executores mei vel aliquis nomine nostro per nos seu pro nobis in predictis terris & tenementis aut extent’ aliquod jus vel clameum decetero exigere, clamare, vel vendicare non poterimus in futurum. Pro hac autem concessione & dimissione predictus dominus Robertus michi solvit quandam summam pecunie pre manibus. In cujus rei testimonium presentibus litteris sigillum meum apposui. Data London’ die lune proxima post festum decollacionis Sancti Johannis Baptiste anno regni regis Edwardi filii regis Edwardi decimo nono.

Scriptum Elie Fraunceys & Emme uxoris sue per Johannam Sporon [30 October 1342]

Noverint universi [ad quos] hoc presens scriptum indentatum pervenerit, Johanna Sporon, filia & heres Radulphi Sporon, quondam civis & aurifabri London’, salutem in domino. Noveritis me concessisse, tradidisse & ad terminum vite dimisisse Elie Fraunceys & Emme uxori sue totum illud tenementum meum cum domibus superedificatis & aliis suis pertinenciis, quod quidem tenementum cum pertinenciis suis habui ex legato testamenti predicti Radulphi patris mei2 in parochia Sancti Sepulcri infra Neugate London’.