Folios 34r–35v contain documents relating to property on the west side of Gutter Lane.

The red-ink heading for each verso on these folios is “Goderun” and for each recto “lane”.

The red-ink heading at the top of this page reads: “Goderunlane – ex occidentali parte quod nobis dedit Johannes Maplesdene & Willelmus Stamyldene per ordinacionem testamenti Johannis Carbonelle ad inveniendum unum capellanum in ecclesia Sancti Vedasti”.

Carta Bartholomei de Crek per Albericum l’orbatour [1255–56]

Sciant presentes & futuri quod ego Albericus l’orbatur1 concessi, dimisi, & presenti carta mea confirmavi Bartholomeo de Crek & Isabelle uxori sue totam terram meam cum domibus superedificatis & pertinenciis quam habui in London’ in Goderonlane in parochia Sancti Vedasti inter terram & domos que fuerunt magistri Henrici cirurgici versus austrum & terram et domos que fuerunt Andree pictoris versus aquilonem, et extendit se in longitudine a vico regio usque ad terram que fuit Willelmi Juvenal versus occidentem, scilicet quicquid ibidem habui & habere potui vel debui in terris & edificiis, lignis & lapidibus, in longitudine & latitudine & in rebus cunctis sine aliqua diminucione: habend’ & tenend’ dictis Bartholomeo & Isabelle & heredibus suis sive cuicumque vel quibuscumque & quando dare, dimittere, vendere, legare vel quocumque alio modo assignare voluerint, & heredibus eorum, de me & heredibus meis in feodo & hereditate libere, quiete, integre, bene & in pace imperpetuum. Reddendo inde annuatim michi & heredibus meis unum denarium ad festum Sancti Michaelis, et monialibus Sancte Marie de Pratis annuatim duodecim denarios eciam ad festum Sancti Michaelis, et monialibus de Keleburne annuatim quatuor solidos ad quatuor anni terminos, ad festum Sancti Michaelis duodecim denarios, ad Natalem domini duodecim denarios, ad Pascha duodecim denarios & ad festum Sancti Johannis Baptiste duodecim denarios. Et Stephano filio Stephani Bukere et heredibus suis annuatim decem solidos ad duos anni terminos, ad festum Sancti Michaelis quinque solidos et ad Pascha quinque solidos, pro omnibus serviciis, exactionibus & demandis & sine omni occasione. Et ego Albericus predictus et heredes mei warantizabimus predictam terram cum domibus & pertinenciis predictis Bartholomeo & Isabelle uxori sue & heredibus suis sive cuicumque vel quibuscumque dare dimittere vendere legare vel quocumque alio modo assignare voluerint & heredibus eorum contra omnes homines & feminas & versus omnes gentes christianos & judeos per predicta servicia imperpetuum defendemus acquietabimus.