This page has a red-ink heading of “Kalendare”, which refers to the list of contents that starts halfway down the page after the prologue.

This prolog is wrytyn in englysshe to every mannys undirstondyng in þe C iiiixx & ix leef of this book

Prologus

In isto presenti libro continentur omnes & singule carte, concessiones, libertates & confirmaciones regie aurifabris London’ & comunitati ejusdem mistere ante hec facte & concesse, necnon omnimoda scripta, carte & munimenta artis aurifabrie predicte de omnimodis terris, tenementis, & redditibus in civitate London’ & suburbis ejusdem dictis custodibus & comunitati mistere predicte & eorum successoribus in presenti spectantibus seu pertinentibus, distincte & divisim, videlicet quodlibet tenementum per se cum suis cartis scriptis prout per kalendarium evidenter apparet. Causa vero hujus operis incepti, duobus oritur de causis quarum prima est hec: Quia temporibus transactis plurima et diversa carte & scripta sub arta & diligenti custodia minime existencia perdita & dispersa fuerunt quorum penes aurifabriam predictam nulla resident transcripta seu recorda in dicte artis comunitatis preiudicium non modicum & detrimentum. Ideo ne venturis temporibus consimilia evenire contigerint & ut super hujusmodi infortuniis remedium adhibeatur congruum, omnia et omnimoda carte, scripta & munimenta que penes custodes dicte artis confeccionis hujus libri tempore existunt, seu alicubi sub eorum custodia inveneruntur, isto hoc volumine intrantur. Alia autem causa evidens & manifesta talis est: Ne habuimus scripta, carte & munimenta ut predicitur sigillata & sigillorum impressionibus munita iteratis vicibus frequenti ve multiplicato usu digitorum periclitacionem vel deterioracionem incurrant ut in sigillorum amissione vel eorundem scriptorum quacumque ruptura, iccirco hic intitulantur omnia predicta carte, scripta & munimenta ut quando opus fuerit & necesse aliquos dicte artis pro tempore custodes eorundem scriptorum & cartarum aliquam seu ullam inspicere tenorem seu tenores hic in isto libro lenius luculencius & melius inveniantur & intuencium aciebus oculorum appereant & legantur. Acta vero sunt hec collecta, scripta, intitulata, lecta & examinata tempore Willelmi Fitz Hugh, Johannis Hillys, Ricardi Wydihale & Johannis Walsshe, custodum artis aurifabrie predicte, per eorum bonam & providam ordinacionem laudabilemque discrecionem. Anno domini millesimo CCCCmo decimo octavo et anno regni Regis Henrici quinti post conquestum Anglie quinto.