Folios 100r–102r contain documents relating to Mart Lane. The red-ink heading at the top of f. 100r is “Ista tenementa perquisita fuerunt de Simone Mazerer / Martlane” and thereafter the verso pages have the red-ink heading at the top “Marte” or “Mart” and the recto pages “lane”.

Carta Johannis de Lesen per Willelmum Dirie [n.d. (1299) and enrolled 3 March 1309]

Sciant presentes & futuri quod nos Willelmus Dirie, civis London’, & Johanna uxor ejus unanimi assensu dedimus, concessimus, & hac presenti carta nostra confirmavimus Johanni de Lesene, civi & mazeliner London’, totam illam placeam terre cum domibus superedificatis & omnibus aliis pertinenciis suis quam habuimus in parochia Omnium Sanctorum de Stanyng[c]herche in London’ ex dimissione Willelmi Scot, hurar’, prout in ipsius carta nobis super hoc inde confecta plenius continetur. Que quidem placea predicta cum domibus superedificatis jacet in latitudine inter vicum regium versus austrum & tenementum Galfridi de Meldeburne versus aquilonem, et extendit se in longitudine a vico regio versus occidentem usque ad gardinum Nicholai de Gotham versus orientem. Habend’ & tenend’ … in feodo & hereditate imperpetuum, sine aliqua diminucione vel aliquo retenemento. Reddendo inde annuatim nobis & heredibus vel assignatis nostris unam rosam ad festum Nativitatis Sancti Johannis Baptiste, & parochianis dicte ecclesie de Stanyngcherche ad sustentacionem luminarum & fabrice ejusdem ecclesie decem solidos sterlingorum ad quatuor anni terminos principales & in civitate London’ usuales solvend’, videlicet ad quemlibet terminum duos solidos & sex denarios; et hospitali Sancti Jacobi extra London’ duos solidos ad duos anni terminos, videlicet ad festum Sancti Michaelis duodecim denarios & ad festum Pasche duodecim denarios, pro omnibus secularibus demandis & omni exaccione. Et nos predicti Willelmus Dirie & Johanna uxor ejus & heredes ac assignati nostri totam predictam placeam terre cum domibus superedificatis & omnibus aliis pertinenciis suis predicto Johanni & heredibus ac assignatis suis quibuscumque warantizabimus & per predicta servicia acquietabimus & defendemus contra omnes homines & feminas imperpetuum. Pro hac autem nostra donacione, concessione, & presentis carte nostre confirmacione & warantia dedit nobis predictus Johannes de Lesene duodecim marcas sterlingorum pre manibus in gersumam. Et ut hec omnia predicta robur perpetue firmitatis obtineant huic presenti carte sigilla nostra apposuimus.