There is no red-ink heading to these pages, only the red-ink folio numbers.

Testamentum Johannis Fraunceys [25 June 1405]

In dei nomine Amen: vicesimo quinto die mensis Junii anno domini millesimo CCCCmo quinto et anno regni regis Henrici quarti post conquestum sexto, Ego, Johannes Goodman, alias dictus Fraunceys, civis & aurifaber London’, sanus mentis & bone memorie precogitans de extremis facio, ordino, & constituo presens testamentum meum de omnibus & singulis terris, tenementis, & redditus meis cum suis pertinenciis que habeo in civitate London’ in hunc modum: In primis lego animam meam deo omnipotenti beateque Marie matri sue & omnibus sanctis ejus, & corpus meum ecclesiastice sepulture secundum ordinacionem & disposicionem executorum meorum. Item, do & lego Elizabeth uxori mee omnia & singula terras & tenementa mea ac redditus quoscumque cum omnibus suis domibus, shopis, solariis, celariis, & omnibus aliis suis pertinenciis que quas & quos habeo in civitate London’ in parochiis Sancti Vedasti, Sancti Michaelis ad Bladum, Sancti Augustini ad portam Sancti Pauli, & Sancti Michaelis de Wodestrete de Hoggenlane, quadam shopa cum domibus superedificatis et suis pertinenciis quam Elizabeth Pyngwidelle jam tenet & inhabitat infra aleyam meam in le Oldechaunge in dicta parochia Sancti Augustini dumtaxat excepta, & quam quidem shopam cum domibus superedificatis & suis pertinenciis do et lego eidem Elizabeth Pyngwidelle, habend’ & tenend’ ad terminum vite sue, de capitalibus dominis feodi illius per servicia inde debita & de jure consueta. Ita quod post mortem ipsius Elizabeth Pyngwidelle dicta shopa cum domibus superedificatis & suis pertinenciis prefate Elizabeth uxori mee integre remaneat, tenend’ ad terminum vite sue, de capitalibus dominis feodi illius per servicia inde debita & de jure consueta, prout quedam terre & tenementa de dictis terris & tenementis cum suis pertinenciis situat’ in parochia Sancti Vedasti predicta, videlicet totum illud tenementum meum nuper vocatum Le Gryffyn, una cum una shopa ex utraque parte introitus ejusdem tenementi annex’ & omnibus suis domibus infra et desuper edificatis ac omnibus aliis suis pertinenciis situat’ in Westchepe inter tenementum pertinens collegio seu capelle infra clausum Guyhalde London’ quondam Rogeri Frowyk ex parte occidentali et shopam nuper Petronille Markeby modo Ricardi Cranesle aurifabri, ac tenementum meum vocatum Le Flourdelys ex parte orientali, et cimiterium ecclesie Sancti Mathei in Frydaystrete London’ ex parte australi & vicum regium de Westchepe ex parte boriali.