The Harpe & Conney in the Rowe in Cheap – purchased of Thomas Garrard Esq. The evidences of this purchase heere enseweth

The licence of Alienacion [1 June 1630]

Carolus dei gracia Anglie Scotie Francie et Hibernie Rex, fidei defensor &c, omnibus ad quos presentes litterae pervenerint, Salutem. Sciatis quod nos de gracia nostra speciali, ac pro triginta tribus solidis & quatuor denariis solutis firmare nostro virtute litteras patentes domini Jacobi nuper regis Anglie, concessimus & licentiam dedimus ac pro nobis heredibus & successoribus nostris quantum in nobis est per presentes concedimus & licentiam damus dilecto nobis Thome Garrard, armigero, quod ipse totum illud mesuagium sive terram & shopam eidem spectantem quondam vocatum sive cognitum per nomen signi de Le Harpe & modo vocatum sive cognitum per nomen de Le Golden Plowe nuper in tenure [sic] Ricardi Martin & modo in tenura Thome Middleton, militis, vel assignatorum suorum, scituat’ & existen’ in Cheapeside in parochia Sancti Petri in Westcheape London, necnon totam illam unam shopam in Westcheape predict’ ante hac vocatam per signum de Le Coney, introit’ capital’ mesuagii adjungent’ modo in occupacione Johannis Williams, armigeri, de orientali parte ejusdem introitus cum omnibus viis, passagis, easiamentis, luminibus, proficuis, comoditatibus, & hereditamentibus premissis predictis vel eorum alicui spectantibus sive quoquo modo pertinen’, ac revercionem et reverciones reman’ et remaner’ omnium & singulorum predictorum premissorum & cujuslibet inde partis & parcell’, que de nobis tenentur in capite ut dicitur, dare possit et concedere, alienare, aut cognoscere per finem vel per recuperacionem in Curia nostra coram Justiciis nostris de Banco aut aliquo alio modo quocumque ad libitum ipsius Thome Garrard dilectis nobis Willelmo Cutt, Willelmo Rolfe, Edmundo Rolfe, Francisco Manninge, Ricardo Taylor, Johanni Sherly, Roberto Moore, Gilberto Harrison, Johanni Wollaston, Thome Smithes, & Johanni Terry, habendum et tenendum eisdem Willelmo, Willelmo, Edmundo, Francisco, Ricardo Taylor, Johanni Sherly, Roberto, Gilberto, Johanni Wollaston, Thome Smithes, & Johanni Terry ac heredibus & assignatis suis ad opus et usum ipsorum Willelmi, Willelmi, Edmundi, Francisci, Ricardi Taylor, Johannis Sherly, Roberti, Gilberti, Johannis Wollaston, Thome Smithes, et Johannis Terry ac heredum & assignatorum suorum imperpetuum de nobis heredibus & successoribus nostris per servicia inde debita & de jure consueta. Et eisdem Willelmo, Willelmo, Edmundo, Francisco, Ricardo Taylor, Johanni Sherly, Robert, Gilberto, Johanni Wollaston, Thome Smithes, & Johanni Terry, quod ipsi predictum mesuagium & cetera premissa cum pertinenciis a prefato Thoma Garrard recipere possint & tenere sibi ac heredibus & assignatis suis de nobis heredibus & successoribus nostris per servicia predicta sicut predictum est imperpetuum.