Folios 251r–252v contain documents concerning property in Fenchurch Street.

There is a red-ink heading to f. 251r of “Willelmus Walton” and one to f. 251v of “Fanchirche – Walton”. Folios 252r and 252v both have the heading “Fanchirche”.

Testamentum Willelmi Walton, civis & aurifabri1 London’ [20 November 1458]

[I]n dei nomine Amen. Vicesimo die mensis Novembris anno domini millesimo quadringentesimo quinquagesimo octavo, regni vero regis Henrici sexti tricesimo septimo, ego, Willelmus Walton, civis & aurifaber civitatis London’, sanus mente & in bona mea memoria existens, condo, facio, & ordino specialiter quo ad tenementa subscripta presens testamentum meum in hunc modum: In primis, lego & comendo animam meam deo omnipotenti creatori meo, beateque Marie virgini matri ejus, & omnibus sanctis, corpusque meum sepeliendum prout in alio testamento meo de bonis meis mobilibus facto plenius declaravi. Item, ego, idem Willelmus Walton, per presens testamentum meum do & lego custodibus artis sive mistere aurifabrorum dicte civitatis London’ & ejusdem artis sive mistere communitati omnia illa terras & tenementa mea cum suis pertinenciis in Wodestrete & Goderonlane in parochia Sancti Petri in Westechepe London’, que simul cum Roberto Seman, clerico, jam defuncto, ac cum Johanne Hampden, armigero, & Ricardo Stace, cive & aurifabro London’, qui totum jus suum & clameum inde per quoddam scriptum suum cujus data est vicesimo die Octobris anno regni dicti regis Henrici sexti post conquestum decimo [20 October 1431], michi, prefato Willelmo Walton, heredibus & assignatis meis remiserunt & relaxaverunt, nuper habui ex dimissione & feoffamento Roberti Walton fratris mei, nuper civis & aurifabri London’, & Thome Peretre, civis & pannarii London’. Item, cum ego, predictus Willelmus Walton, & Alicia uxor mea ut in jure ejusdem Alicie habeamus & teneamus ad terminum vite ejusdem Alicie sine impeticione alicujus vasti ex dimissione & feoffamento Willelmi Porter & Mathei Halle, civium & aurifabrorum London’, duo messuagia cum suis pertinenciis situata in vico de Fanchirchestrete in parochia beate Marie de Fanchirche, London’, inter tenementum rectoris ecclesie de Fanchirche predicte ex parte occidentali & tenementum Reginaldi Reynewelle, nuper Alicie Mallyng, ex parte orientali, & tenementum Johannis Fitz Symond, militis, ex parte boriali & viam regiam de Fanchirchestrete ex parte australi.