Folios 43r–44v contain documents relevant to property in Wood Street. Folio 43r has the red-ink explanatory heading “Wodestrete ex orientali parte perquisita de heredibus Simonis de Berkyng”. Folio 43v has a red-ink heading “Wode” and the facing f. 44r has the heading “strete”. There is no heading on f. 44v.

Carta Walteri de Fynchyngfeld per Johannem de Reynham [30 June 1291 and enrolled 23 July 1291]

Sciant presentes & futuri quod ego Johannes de Reynham, filius & heres Radulphi de Reynham, dedi, concessi & hac presenti carta mea confirmavi Waltero de Fynchyngfeld juniori, civi & aurifabro London’, totum illud tenementum meum cum domibus superedificatis & omnibus suis pertinenciis quod habui in parochia Sancti Petri de Wodestrate London’. Quod quidem tenementum est inter vicum de Wodestrete ex parte occidentali & tenementum Ricardi de Mounpellers ex parte orientali, & tenementum quod quondam fuit Johannis le Barber ex parte australi & tenementum domini Bartholomei de Castello ex parte aquilonari, videlicet quicquid ibidem habui in terris, domibus, edificiis, lignis, lapidibus, longitudine, latitudine, altitudine & profunditate, ac rebus cunctis sine aliqua diminucione vel ullo retenemento: habend’ & tenend’ predicto Waltero & heredibus suis, vel cuicumque quibuscumque aut quandocumque illud dare, vendere, dimittere, legare seu alio modo quocumque assignare voluerit, libere, quiete, integre, bene & in pace, hereditarie in feodo, de capitalibus dominis feodi illius per servicia inde debita & consueta imperpetuum, scilicet reddendo inde annuatim Hospitali Sancti Egidii extra London’ quinque solidos ad quatuor anni terminos principales & usuales in civitate London’, videlicet ad quemlibet terminum quindecim denarios. Et eciam Hospitali Sancti Bartholomei London’ annuatim viginti solidos ad eosdem terminos videlicet ad quemlibet terminum quinque solidos pro omnibus serviciis, consuetudinibus secularibus, exaccionibus & demandis. Et preterea ego predictus Johannes concessi pro me & heredibus meis quod ego et heredes mei warantizabimus, acquietabimus & defendemus prefato Waltero & heredibus suis vel assignatis suis quibuscumque & eorum heredibus vel assignatis totum predictum tenementum cum domibus superedificatis & omnibus suis pertinenciis ut predictum est per predicta servicia predictis hospitalibus facienda contra omnes homines imperpetuum. Pro hac autem donacione, concessione, presentis carte mee confirmacione, warantia, acquietancia & defensione dedit michi predictus Walterus quinquaginta marcas sterlingorum pre manibus in gersumam.