Folios 117r–128v contain deeds relating to Jewyn Garden. At the top of f. 117r is written in red ink “Jewyn Gardyn”, and the following versos 117v–121v have “Jewen” or “Jewyn”, and all the rectos up to f. 128r have “Gardyn”; the versos 122v–128v have no red-ink heading (which is odd). A new hand starts here (this property came to the Goldsmiths’ Company at a later date than that at which the previous scribe was writing) and writes the whole of this section on Jewyn Garden plus ff. 131–135r and the relevant entries in the “kalendare” (list of contents).

Carta Elie filii magistri Mossei, judei, per Ricardum, filium Gilberti Le Bas [n.d. (1256–57)]

Sciant presentes & futuri quod ego Ricardus, filius Gyleberti Le Bas, dedi, concessi & presenti carta mea confirmavi Elie, filio magistri Mossei, judeo, tunc principali custodi ad officium cimiterii tocius commune judeorum in London’ constituto, totam terram meam cum domibus superedificatis quam habui in parochia Sancti Egidii extra Crepelgate, inter terram magistri Johannis Rosemunde versus aquilonem & venellam sicut itur ad dictum cimiterium versus austrum, et vicum regium versus orientem et idem cimiterium versus occidentem. Scilicet quicquid ibidem habui vel habere potui in longitudine & latitudine & in rebus cunctis cum omnibus pertinenciis suis, integre sine aliquo retinemento. Habend’ et tenend’ dicto Elie & successoribus suis ad officium dicti cimiterii deputatis, de me & heredibus meis in feodo et hereditate, libere & quiete, bene et in pace, imperpetuum. Reddendo inde annuatim michi et heredibus meis pro omnibus serviciis, exaccionibus & rebus cunctis unum denarium ad Pascha sine omni occasione. Salvo servicio capitalium dominorum illius feodi debito et consueto, scilicet decano Sancti Pauli London’ & successoribus suis viginti denarios per annum ad quatuor terminos principales, scilicet ad quemlibet terminum quinque denarios, pro omnibus serviciis quos dictus Elias & successores sui pro me & heredibus meis reddere debent. Et ego Ricardus predictus & heredes mei dictam terram cum omnibus pertinenciis suis integre prefato Elie & successoribus suis ad officium predicti cimiterii constitutis contra omnes gentes warantizabimus, defendemus, & acquietabimus per predictum servicium imperpetuum.