Folios 244r–249r contain documents concerning Chepe [Cheapside]. Each page has the red-ink heading “Chepe”. No initials have been done in this section but a space two lines deep has been left for each, and a small letter written faintly is left as a guide for the future initialler.

Testamentum Johannis Orewelle [20 August 1472]

[I]n dei nomine Amen. Vicesimo die mensis Augusti anno domini millesimo quadringentesimo septuagesimo secundo, et anno regni regis Edwardi quarti post conquestum Anglie duodecimo, ego, Johannes Orewelle, civis & aurifaber civitatis London’, compos mentis ac in bona & sana memoria, laudetur altissimus, existens, condo, facio, & ordino presens testamentum meum indentatum continens meam ultimam voluntatem quo ad disposicionem tocius illius mesuagii mei cum shopis, domibus, solariis, celariis, aliisque edificiis eidem mesuagio pertinentibus sive spectantibus inferius specificatis in hunc modum: In primis, lego et commendo animam meam deo omnipotenti creatori ac redemptori meo, beatissimeque Marie virgini matri ejus, & omnibus sanctis. Item, lego domino Willelmo Austyn & magistro Thome Halden, capellanis perpetuis perpetue cantarie vocate Sheryngton Chauntrye in capella situata prope hostium boriale ecclesie cathedralis Sancti Pauli London’, vulgariter nuncupat’ Le Northdore, unum annuum & quietum redditum sexaginta & quinque solidorum & octo denariorum legalis monete Anglie, habend’ & levand’ & annuatim percipiend’ eundem annuum & quietum redditum eisdem capellanis & successoribus suis capellanis ejusdem cantarie ad quatuor anni terminos, videlicet ad festa Nativitatis Sancti Johannis Baptiste, Sancti Michaelis archangeli, Natalis domini, et Annunciacionis beate Marie virginis per equales porciones imperpetuum, de & in toto illo mesuagio meo cum shopis, domibus, solariis, celariis, & aliis edificiis eidem mesuagio pertinentibus sive spectantibus, situat’ & jacent’ in parochia Sancti Vedasti in Westechepe in warda de Faryndon infra, in predicta civitate London’. Quod quidem mesuagium cum … … extendit a via regia de Westechepe ex parte boriali usque tenementum decani & capituli dicte ecclesie cathedralis Sancti Pauli vocatum Le White Herte versus austrum, & abuttat versus orientem super tenementum pertinentem ecclesie Sancti Vedasti predicte & versus occidentem super tenementum pertinentem Maiori & communitati dicte civitatis London’, & continet in latitudine ex parte boriali juxta dictam viam regiam de Westechepe quatuordecim pedes & novem pollices assise, & ex parte australi juxta dictum tenementum dictorum decani & capituli vocatum Le White Herte quatuordecim pedes & tres pollices assise, & in longitudine a dicta via regia de Westechepe usque ad dictum tenementum dictorum decani & capituli vocatum Le Qwite Herte [sic] quinquaginta pedes & quinque pollices assise.