Articuli per archiepiscopum, episcopos et reliquum clerum Cantuariensis provinciae in synodo inchoata Londini vicesimo quarto die mensis Novembris, anno Domini MDLXXXIV, regnique serenissimae in Christo principis dominae Elizabethae, Dei gratia Angliae, Franciae et Hiberniae reginae, fidei defensoris, etc. vicesimo septimo stabiliti, et regia auctoritate approbati et confirmati.

Articles drawn up by the archbishop, bishops and other clergy of the province of Canterbury in the synod begun at London on the twenty-fourth day of the month of November in the year of our Lord 1584, in the twenty-seventh year of the reign of her most serene highness in Christ, Lady Elizabeth, by the grace of God, Queen of England, France and Ireland Defender of the Faith, etc., and approved and confirmed by royal authority.

Ut homines idonei ad sacros ordinēs et beneficia (uti vocant) ecclesiastica admittantur.

1 [33]. Primo cautum est, ne quis posthac ad sacros ordinēs suscipiatur, qui non eodem quoque tempore praesentationem sui ipsius ad beneficium aliquod intra dioecesim sive iurisdictionem eiusdem episcopi a quo sacros ordines petit, tunc vacans exhibuerit; vel qui non eidem episcopo certum, verum et indubitatum certificatorium attulerit de ecclesia aliqua intra dioecesim sive iurisdictionem dicti episcopi, in qua curae animarum inservire possit; vel qui in aliqua cathedrali aut collegiata ecclesia, vel collegio Cantabrigensi aut Oxoniensi non fuerit constitutus; vel saltern, qui ab eodem episcopo in beneficium aliquod, sive ad curam (uti vocant) inserviendam tunc etiam vacantem, non sit mox admittendus.

2 [34]. Deinde, ne quis episcopus posthac aliquem in sacros ordines cooptet, qui non ex sua ipsius dioecesi fiierit, nisi vel ex altera nostratium academiarum prodierit; vel, nisi litteras (ut loquuntur) dimissorias ab episcopo, cuius dioecesanus existit, attulerit et vicesimum quartum aetatis suae annum iam compleverit, ac etiam in altera dictarum academiarum gradum aliquem scholasticum susceperit; vel saltern, nisi rationem fidei suae iuxta articulos illos religionis in synodo episcoporum et cleri approbatos Latino sermone reddere possit, adeo ut sacrarum litterarum testimonia, quibus eorundem articulorum Veritas innititur, recitare etiam valeat; ac ulterius, de vita sua laudabili et morum integritate litteras testimoniales sub sigillo vel alicuius collegii Cantabrigensis aut Oxoniensis, ubi antea moram fecerit, vel alicuius iustitiarii ad pacem dominae reginae conservandam assignati, una cum subscriptione et testimonio aliorum proborum et fide dignorum hominum eiusdem parochiae, ubi per tres annos ante proxime elapsos commoratus est, exhibeat.