William of Ockham, III Dialogus I, iii, 1, the British Academy edition (as of 2005)

Magister Una est opinio tenens quod nullam scripturam irrevocabiliter veram credere vel fateri tenemur de necessitate salutis aeternae nisi eas quae canonicae appellantur vel eis quae ad has ex necessitate sequuntur aut scripturarum anctarum sensum dubium habentium eas interpretationes seu determinationes quae per generale fidelium seu catholicorum concilium essent factae, in his praesertim in quibus error damnationem aeternam induceret. Quales sunt articuli fidei Christianae. uod enim interpretationibus concilii generalis sit talis praestanda credulitas patet, quia pie tenendum est quod tales interpretationes sunt nobis ab eodem spiritu revelatae. Quod exscriptura ostenditur. Nam veritas ipsa Matth. ultimo dicit, “Ecce ego vobiscum sum omnibus diebus”.

Marsilius of Padua, Defensor pacis, ed. C. W. Previté-Orton (Cambridge, 1928), II, xix, 1, pp. 312–13

Est autem hoc: quod nullam scripturam irrevocabiliter veram credere vel fateri tenemur de necessitate salutis aeternae nisi eas quae canonicae appellantur, vel eis quae ad has ex necessitate sequuntur, aut Scripturarum Sacrarum sensum dubium habentium eis interpretationibus seu determinationibus, quae per generale fidelium seu catholicorum concilium essent factae, in hiis praesertim in quibus error damnationem aeternam induceret, quales sunt articuli fidei Christianae. Quod autem Sacris Scripturis firma sit veritatis praestanda credulitas et confessio, per-se-notum supponitur omnibus Christianis; quod quia probari non posset aliter quam ipsarum auctoritatibus, series praetermisi propter abbreviationem. Quod vero ipsarum interpretationibus, sic factis ut diximus, eadem sit praestanda credulitas, satis apparet; quoniam ab eodem Spiritu nobis revelatas pie tenendum videtur.