The bishop of Durham's proxy for a convocation on 20 June

Pateat universis per praesentes nos Iohannem, priorem ecclesiae cathedralis Dunelmensis ad comparendum in convocatione cleri vicesimo die instantis mensis Iunii coram honorabili viro Magistro Richardo Clifford, decano ecclesiae cathedralis Eboracensis, guardiano privati sigilli illuc per serenissimum in Christo principem et dominum nostrum Dominum Richardum, Dei gratia regem Angliae et Franciae illustrem transmittendo in eadem ecclesia summo mane (ut asseritur) celebranda, et ad tractatum super certis materiis et negotiis statum regis et regni et Ecclesiae Anglicanae concernentibus, una cum aliis provinciae Eboracensis praelatis per literam privati sigilli vocatis et praemunitis; dilectos nobis in Christo magnae reverentiae virum Magistrum T[homam de] W[alworth] canonicum residentiarium dictae ecclesiae Eboracensis necnon Magistros Iohannem S[tanton] legum baccalaurium et Iohannem Catterick, vicarium ecclesiae de Norham, pro nobis in dicta convocatione die et loco limitatis comparendos et interessendos. Causas absentiae nostrae personalis allegandas, proponendas et probandas necnon super materiis et negotiis quibuscunque pro tune ibidem plenius exponendas si et quatenus natura et qualitas praesentis negotii hoc exposcant una cum aliis dictae provinciae praelatis tractandum et his quae ibidem divina favente dementia ad statum regis, regni et ecclesiae praedictorum salubriter ordinari contigerit consentiendum necnon omnia alia et singula facienda, exercenda et expedienda quae in praemissis etc. Datum decimo sexto Iunii MCCCXCVIII [16 June 1398].

The royal writ for a convocation

Rex venerabili in Christo patri R[ichardo Scrope], eadem gratia archiepiscopo Eboracensi, Angliae primati, salutem.