The Convocation of 1432
Published online by Cambridge University Press: 10 January 2024
Summary
Acts of the convocation
[86v] Convocatio praelatorum et cleri Cantuariensis provinciae, facta per reverendissimum in Christo patrem et dominum Dominum Henricum, permissione divina Cantuariensem archiepiscopum, totius Angliae primatem et apostolicae sedis legatum, in ecclesia Sancti Pauli Londoniarum, quinto decimo die mensis Septembris anno Domini MCCCCXXXIIdo, indictione decima, pontificatus sanctissimi in Christo patris et domini Domini Eugenii papae quarti, anno secundo.
Monday 15 September 1432
In primis, die Lunae quinto decimo die mensis Septembris, post finitam missam de Spiritu Sancto per dominum ad summum altare dictae ecclesiae cathedralis Sancti Pauli solemniter celebratam, assistentibus sibi in eadem missa confratribus suis, videlicet Philippo Eliensi, Iohanne Roffensi, Willelmo Lincolniensi et Willelmo Norwicensi episcopis, dominus eum confratribus suis praedictis adivit capellam Beatae Mariae in ecclesia Sancti Pauli praedicta situatam, ubi (ut moris est) coram domino et dictis confratribus suis ac praelatis aliis quampluri[bu]s et clero in magna multitudine congregatis religiosus vir frater Willelmus Norham sacrae theologiae professor de ordine praedicatorum solemniter praedicavit et publice proposuit Verbum Dei, sumpta pro themate ‘ Intende, prospere procede, et regna.' Et statim post sermonem finitum, lectum fuit certificatorium venerabilis vir Magistri Reginaldi Kentwood, decani ecclesiae cathedralis Sancti Pauli praedictae, necnon reverendissimi in Christo patris Domini Roberti, Dei gratia Londoniensis episcopi in remotis agentis vicarii in spiritualibus generalis, de et super citatione praelatorum et cleri ad convocationem huiusmodi. Cuius quidem certificatorii tenor de verbo ad verbum sequitur et est talis:
The bishop of London's certificate containing the archbishop's mandate
Reverendissimo in Christo patri et domino nostro Domino Henrico, permissione divina Cantuariensi archiepiscopo, totius Angliae primati et apostolicae sedis legato, Reginaldus Kentwood decani ecclesiae cathedralis Sancti Pauli praedictae necnon reverendi in Christo patris Domini Roberti, Dei gratia Londoniensis episcopi in remotis agentis vicarii in spiritualibus generalis, oboedientiam et reverentiam debitam cum honore. Literas vestras reverendas vicesimo tertio die mensis Iulii ultime praeteriti [23 July 1432] recepimus tenorem infrascriptum continentes:
Henricus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Roberto, Dei gratia Londoniensi episcopo ipsove absente eius vicario in spiritualibus generali salutem in eo qui est omnium vera salus. Magna et indissimulata nunc pro ceteris temporibus nos impellit necessitas praelatos et clerum nostrae Cantuariensis provinciae pro nonnullis arduis et urgentibus negotiis universalis ecclesiae fideique Catholicae statum reformationem et utilitatem concernentibus convocare.
- Type
- Chapter
- Information
- Records of Convocation , pp. 301 - 320Publisher: Boydell & BrewerFirst published in: 2024