1. Johan, etc., a touz, etc., Sachez nous de nostre grace especiale et en œvre de charite, avoir grantez a nostre cher et bien ame Sire Johan Belasise, chapellein, la chanterie de nostre franche chappelle de Maresfeld en contee de Sussex; a avoir et tenir meisme la chanterie ove les droitures et appurtenances qiconqes a ycel regardantz, parensi qil demoerge et reste continuelement sur la dite chanterie et y chante dyvyns pur nous et pur les almes de noz ancestres, et qil governe, sustiegne et maintiegne bien et covenablement la dite chappelle, les mesons et terres ove les appurtenances regardantz a la chanterie avantdite. En tesmoignance, etc. Donnee, etc., a. la Sauvoye le xxviii jour de Janver lan, etc., tierz.